Pietad populara

Davos il plaid „pietad populara“ sezuppa ina gronda schelta da manifestaziuns popularas e fuormas ch’han las ragischs ella relaziun dil carstgaun tier Diu ed auters aspects religius.
La fuorma ei en emprema lingia dependenta dalla cardientscha respectiva e sepresenta ellas differentas culturas a moda multifara.
Las suandontas fuormas da „pietad populara“ han ragischs e tradiziun en la Val Tujetsch, pia en ina regiun totalmein sesviluppada e seformada el patertgar catolic. Sco segns veseivels da quella cultura en la val semuossan: las baselgias, las capluttas, ils sontgets, il santeri e biaras cruschs. En quei connex semuossa ei era che las fuormas dalla pietad populara ein aunc oz en svilup. Perdetga ein per semeglia las novas cruschs tschentadas si ella val, sils pézs, per liung dallas vias da traffic ed ellas muntognas en connex cun accidents. La digren da quella pietad ei secapescha era evidenta e suttaposta al svilup modern ed a quel d’in auter patertgar religius. Pietad populara

Il cudischet che ha accumpignau l’exposiziun „Pietad populara“ el Museum La Truaisch, Sedrun. Cudischet Pietad populara

Santeri vegl cun fossas da famiglia. Davostier bein veseivla la „tgaglia de Mira“, ischi, enamiez il baghetg dalla pleiv sisum il Dulezi, dretg diltut la scola da 1886.