L'uniun ha ediu igl onn 1989 in cronica pil giubileum da 70 onns. Igl autur ei Duri Battesta Venzin, Rueras. Davart la fundaziun noda el il suandont:
Igl onn dalla fundaziun
Che nus savein festivar uonn igl anniversari da 70 onns ei surtut il meret dils 14 purs da Rueras ch'ein seradunai ils 14 d'uost 1919 en casa da Duri Vigeli Schmit p.m.. Sut sura datum e sin la damonda schebein ins vegli formar ina nova societad ei l'emprema radunonza vegnida tenida giu.
Da gliez temps existeva en nossa val mo ina societad, numnada Uniun Tujetsch.
Ils 14 iniziants han suenter liunga discussiun concludiu da seconstituir e formar ina nova societad per igl amigliurament dalla tratga da biestga armentiva.
L'emprema suprastonza:
Baseli Berther, president
Vigeli Josef Beer, actuar
Duri Vigeli Berther, cassier
Tumaisch B. Berther, meinacudisch
Sep Martin Beer e Sep Berther, suppleants
Lucas Cavegn e Luis Berther, revisurs da quen
Tier la secunda radunonza che datescha dils 10 d'october 1919 ein sis ulteriurs purs vegni pri si sco commembers
ella societad. Prezi d'entrada 30 frs. Sco enzenna dalla societad vegn priu UR che vul dir Uniun Rueras. La paga dil meinacudisch munta 20 cts. per tier screts el cudisch.
Cun excepziun d'entginas midadas dueien ils statuts dalla societad Tujetsch era valer per la nova societad.
En special ein ins dil meini da prender si commembers mo ord il vischinadi da Rueras.
Dapli mira:
Societad da tratga Rueras
L'emigraziun ell'America"
