Ils quens da vischnaunca ein avon maun naven digl onn 1856. Per part ein quels fetg detagliai e dattan ina nundetga survesta davart la veta communala da nossa vischnaunca, dallas activitads e lavur dalla cuminonza da vischins ed auter bia.
Il quen da 1856 ei menaus da statalter Gion Antoni Degonda. El enumerescha las entradas e fa quei tenor ils vitgs ed uclauns da nossa vischnaunca. Las entradas fuorman pil pli igl arvè, la vendita da lenna, per far fein a pastg e castitgs. In exempel:
| Tratg en da statalter Felici Schmed, Rueras | per arvès 13.60 per lennas 0.50 per pastiras 5.00 per castitg 1.00 Total 20.10 |
Ins intervegn aschia exactamein tgi viveva nua en tgei uclaun ni vitg dalla val. Quei vul dir, il diember dils fiugs (casadas) cun lur tgaucasa ei mintgmai indicaus el quen da vischnaunca. Aschia dumbrava la vischnaunca igl onn 1857 138 casadas, 1965 200 casadas ed igl onn 1876 187 casadas.
Cheu suonda ina cumparegliaziun dils onns 1857, 1865 e 1876; aschia quasi egl interval da diesch onns!
Quens 1857-1865-1876
L'emigraziun ell'America"
