Tochen igl onn 1973 han vischnaunca burgheisa e politica e pleiv formau ina cuminonza e sligiau ils problems communablamein. Cun igl onn 1973, radunonza da vischnaunca dils 17 d'uost 1973, vegn quella cuminonza separada cun la fundaziun dalla Pleiv da Tujetsch e l'elecziun dall'emprema suprastonza da pleiv.
Il rapport annual da vischnaunca digl onn 1973 noda: "Tractanda 5. Spartgida denter vischnaunca politica e pleiv. Quella fatschenta ha gia entschiet igl onn 1967 cull'introducziun dalla taglia da cult. Uonn ha ei pia mo giu num cuntinuar il sparter las duas corporaziuns da dretg public totalmein. Damai che la colligiaziun d'antruras era aschi stretga, ei la questiun nuota leva e drova ei siu temps entochen che tut ei en schuber. Tgi che va plaun va saun, ei drova pazienzia per metter clars cunfins ed eliminar tuttas incertadads."
Lu igl onn 1974: "Rugalada dil possess denter vischnaunca politica e pleiv, ils 20 da december 1974. Tractanda 4. Quen final denter vischnaunca e pleiv. Quellas tractativas han buca vuliu prender fin. Mintga part veseva mo il siu ed igl ei stau grev d'anflar ils puncts da contact. La finala ha ei duvrau empau bunaveglia e vicendeivla capientscha e l'entira questiun ei stada perfetga. Oz san omisduas cuminonzas esser ledas che las relaziuns da possess ein claras. La vischnaunca politica ha acquistau dalla pleiv il sulom a Sontget/Sedrun e cediu ad ella gl'entir regress davon la casa pervenda e baselgia parochiala. Plinavon paga la vischnaunca politica ina summa da 62 000 frs. Omisduas radunonzas generalas han approbau la ruglada, aschia che la caussa ei en uorden. Nos vegls schevan: "Buns tiarms fan buns vischins" e quei vala segiramein era cheu."
Las grondas midadas ella pleiv succedan el decuors dil 20avel tschentaner. Cun 1965 vegn la caplania da Sedrun sligiada si. Dapi 1968 ha Selva negin caplon pli e la pastoraziun succeda da Rueras anora. Rueras piarda siu caplon igl onn 1993. Dapi quei onn ei in sulet plevon responsabels per la pastoraziun dalla Pleiv da Tujetsch. Ella administraziun vegn el sustenius dapi 1999 d'ina administratura.
(Dapli historia dalla pleiv)
(Archiv dalla pleiv)
(Ils ufficials dalla pleiv)
| Rapports, protocols e rendaquen, preventivs ed ufficials dalla Pleiv Tujetsch | ||
.jpg) |
 |
 |
 |
 |
 |
|
|
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 1977/78 |
 1976/77 |
 1975 |
 1974 |
 1974 |
 1973 |
L'emigraziun ell'America"
