Canzun dils Treis Sogns Retgs 
Canzun dils Sogns Retgs
Questa canzun deriva da Tujetsch e muossa co ella vegneva cantada pli baul dals Tujetschins en lur agen idiom. Sco umens vegls vulan saver, ei quella canzun dils treis sogns retgs adina vegnida cantada da Buania, da treis buobs che representavan ils treis sogns retgs. Ella Crestomazia dat ei buc ina semeglionta. Quei ei ualti carteivel in product original da Tujetsch.
Partenent la canzun eis ei da dir, ch'ils dus davos vers da mintga strofa vegnan repetti.
La melodia ei aunc bein enconschenta en Tujetsch.
Tuts:
Nus treis vegnin sco ils sogns retgs
Caspar, Meltger e Baltasar
Per adurar al retg dals retgs
O Jesus, Jesus, Jesus car.
Caspar persuls:
Ju sun Casper al retg nair
E Te ais Jesus al retg vair
A Te miu aur, a Te miu cor
Bugen Te dundel or.
Tuts:
Casper, Meltger e Baltasar
Jesus mon per adurar
Arvan se als lur buccals
Dattan ve als lur regals.
Melcher persuls:
Ju sun Meltger al sacun
Antschains da Saba tut radun
A Te miu Dia carin ju dun
E Tiu survient ju sun.
Tuts:
Casper, Meltger e Baltasar
Jesus mon per salidar
Jesus antschainseschan
Jesus carezeschan
Baltasar persuls:
Baltasar al tier iu sun,
A Te carin ju mira dun
Per me carin Te vul muri
Cun Te ju vi muri.
Tuts:
Casper, Meltger e Baltasar
Nus rugain tier Jesus car,
Tg'el maini era nus sco Vus
A spendri era nus sco Vus.
Amen.
Eugen Groth, Tarcisi Monn e Tarcisi Hendry, ils anno 1960
Notas dalla canzun
Tedlar sin goria.tv
Sogns Retgs 2012
L'emigraziun ell'America"
