Concert a Sedrun
Gliendisdis Tschuncheismas sera ha ina sala beinoccupada tedlau cun tutta attenziun in bi concert dil Chor mischedau da Sedrun. Negin ch’ei setrumpaus. Pilver las producziuns d'ina elecziun da bialas 
canzuns han delectau ed entusiasmau in e scadin. Il grond applaus ei veramein staus meritaus. Ed ei fuss da far in tut special compliment ed engraziament per la canzun Nabucco da G. Verdi. La repetiziun da tala ei vegnida engraziada cun viv applaus.
Suenter pliras bialas producziuns de cant che meretan laud ed engraziament al dirigent, cantaduras e cantadurs han ins puspei saviu rir inaga da bien cor cun il toc: Co vegn ins energics da Benedetg Caminada. Modulaus e madiraus da vaglia tras il regissur ha quei toc fatg emblidar ils aspectaturs per ina cuorta uriala ils quittaus della veta e procurau ina biala e legrivia recreaziun. A regissur, giugaduras e giugadurs astgan ins bein far in compliment. Mo vinavon aschia.
Perquei car lectur da questas lingias, buca tralai, va sche zaco pusseivel venderdis proxim, ils 26 d.q. a Sedrun tier la davosa producziun ed era Ti vegnas a passentar in per bialas uras.
In aspectatur
L'emigraziun ell'America"
