Chiozza 01

Televisiun Romontscha - Svizra Romontscha dils 9-9-1984
Dai, dai, dai: In giug denter uniuns
Per la tiarza gada emetta la Televisiun Romontscha il giug Dai, dai, dai.
Ei setracta dad ina concurrenza denter uniuns ord diversas parts dil Grischun romontsch. Ils treis candidats han denter auter da rispunder a damondas sur da lur camp d’activitad (sport, cant, teater eav.) e da lignar ni definir objects che vegnan malegiai sin in projectur. Il giug pretenda surtut dabia movibladad spirtala ed in bien sensori linguistic.
Cun engaschament e fantasia semesiran ils candidats dalla Gruppa da teater Rueras cun quels dil Chor viril Riom/Parsonz/Cunter ell’emissiun dad oz. Egl intermezzo musical procura la gruppa da rock «Hades» per divertiment cun la canzun «Plonta d'untgida». Tras quei giug, che vul denter auter era promover ils contacts denter Romontschs da different idiom, meina puspei Ernst Denoth.

Cumpignia Televisiun
Davontier ils treis representants dalla Cumpignia da teater Rueras cun Richard Cavegn, Franzisca Hitz e Hubert Venzin

Historia
Igl onn 2005 ha la Cumpignia festivau il giubileum da 25 onns. La Gasetta Romontscha porta in artechel screts da (sb).

In quart tschentaner silla tribuna tuatschina
La Cumpignia da teater Rueras festivescha il giubileum da 25 onns

(sb) Avon 25 onns ei la Cumpignia da teater Rueras vegnida fundada. Lur producziuns han tradiziun ed ein part dalla cultura indigena. Ils onns 1960 existeva ina Uniun dramatica Rueras. II reschissur era Duri Battesta Venzin, il bab da Hubert Venzin ch’ei ussa reschissur dalla Cumpignia. Entgins onns ha l'Uniun da giuventetgna fatg teater a Rueras. Sco Hubert Venzin seregorda, fuvi quei denton empau stuffi. Damai che buca tuts giugadurs habitavien a Tujetsch, savevien els far emprovas sulettamein la fin dalla jamna. Quei ei stau il motiv da fundar 1980 ina cumpignia cun giugadurs che habiteschan ella val.
Sin iniziativa dils frars Hubert e Vigel Venzin ei la Cumpignia da teater Rueras vegnida fundada. 25 onns exista quella gruppa senza statutas e suprastonza e sulettamein ils onns 1996 e 2004 ha ei dau negin teater a Rueras.
«Enteifer nossa gruppa regia ina buna atmosfera che dat anim e motivaziun da cuntinuar», manegia il reschissur tradend il misteri dil success. Sche |’atmosfera fussi buca aschi buna havessien els daditg calau. La carriera dalla Cumpignia ha entschiet cul drama «Survetsch a Golgata» in toc détg pretensius per ina tribuna da laics. Schegie ch’il «Survetsch a Golgata» ei buca stau il sulet drama produciu dalla Cumpignia, ein ils Tujetschins ussa plitost quels dallas cumedias. La glieud hagi plascher da sedivertir da teater e vegni en roschas a Rueras per rir da cor. «Jeu sundel in amitg dalla cumedia classica mo era tocs serius ein fetg simpatics a mi», manegia Hubert Venzin. El seigi sefatschentaus aschi bia cun cumedias ch‘el
seigi in tec s‘inamuraus en quellas.
Persunas creschan ellas e cullas rollas
Franzisca Hitz e Richard Cavegn seschluitavan avon 25 onns ellas rollas da mattas e mats, oz giogan els las rollas da babs e mummas. Hitz, Cavegn, il reschissur Hubert Venzin ed il tecnicher Gion Giachen Monn s’audan gia dapi la fundaziun tier la Cumpignia da teater Rueras. Dapi 20 onns dalla partida ein Imelda Monn, Mudest Venzin, Rita Flepp ed Astrid Monn. Els hagien denton era novs e giuvens giugadurs che seigien fetg motivai pil teater, ha il reschissur fatg da saver. Denter diesch e vegn giugadurs s‘engaschien mintg‘onn pil teater e sper quels drovi ei aunc enzacons gidonters.
Pil giubileum da 25 onns presenta la gruppa actualmein la cumedia «Mias ondas» da Norbert Gröss. Tenor il reschissur ein las produziuns gartegiadas.
In fideivel reschissur
Dapi 21 onns ei Hubert Venzin il reschissur dalla Cumpignia da teater Rueras. Ils emprems dus onns ha siu bab Duri Battesta Venzin fatg la reschia e dus onns han bab e fegl surpriu communablamein quei pensum. Cul teater sefatschenta Hubert Venzin dapi 30 onns. «Gia da buob fascinava il teater mei e jeu legevel tut ils tocs ch‘il bab purtava a casa», raquenta il reschissur e di ch‘il teater seigi ina part da sia veta.
Sch'el fussi aunc 20 onns, frequentassi el la scola d’actur. Da giuvens onns hagi l’encarschadetgna teniu anavos el.
Hubert Venzin fa gronda lavur per la gruppa, el tscherca ils tocs, translatescha ed adatescha quels per la Cumpignia. Sper sia lavur da reschissur gioga el era sez enqual rolla. Enqualgadas surprendi el las rollas che negin auter vegli. Sia. rolla preferida ei stau quella el toc «Pensiun Schöller». Leu ha el giugau in um cun in sbagl da tschintschar che vuleva ir tiel teater.
Hubert Venzin di ch‘el prendi tut in suenter l’auter. Quei vali ton pil teater Sco per sia veta privata. Cura ch‘il teater d‘uonn seigi terminaus, pondereschi el da detschiert schebein ed en tgei fuorma ch’el s‘engaschi culla Cumpignia da teater Rueras.
Inscenaziuns a casa ed ordlunder
El decuors dils 25 onns vargai ei la Cumpignia sepresentada pliras gadas ordeifer la patria, aschia 1991 al festival a Friburg cun «Il process pervia dall'umbriva dad in asen» e 1998 al festival da teater a Tusaun cun «Las nozzas». Igl onn 1988 ha la cumpignia inscenau il «Psalm 42» screts da Hubert Venzin.

2005 Rueras Cumpignia
Davostier da seniester: Mudest Venzin, Monica Venzin-Deflorin, Francisca Hitz, Astrid Monn, Adrian Deragisch, Richard Cavegn, Gion Giachen Monn Enamiez: Imelda Monn
Secunda retscha da seniester: Flurina Deragisch-Hitz, Barla Cavegn, Armin Albin
Davontier da seniester: Reto Schmid, Ursula Deplazes, Hubert Venzin 

Survesta dallas inscenaziuns

1980 Survetsch a Golgata, reschia Duri Battesta Venzin
1981 Bia canera a Chiozza, reschia Duri Battesta Venzin
1982 Il valser dalla carezia, reschia Duri Battesta Venzin
1983 Ils muronzs, reschia Duri Battesta Venzin e Hubert Venzin
1984 Secuglienaus, reschia Hubert Venzin
1985 Il prau dil barlot, reschia Hubert Venzin
1986 Dunna Cresenzia speculescha, reschia Hubert Venzin
1987 Astgel jeu presentar, reschia Hubert Venzin
1988 Psalm 42, reschia Hubert Venzin
1989 Daners, cardientschas blauas e dus babnos, reschia Hubert Venzin
1990/91 Il process pervia dall’umbriva d’in asen, reschia Hubert Venzin
1992 Ina bubronda magica, reschia Hubert Venzin
1993 Memia bia cognac per nies minister, reschia Hubert Venzin
1994 Las paterlieras, reschia Hubert Venzin
1995 La mustga africana, reschia Hubert Venzin
1996 Negin teater
1997 Las soras Haseldorf, reschia Hubert Venzin
1998 Las nozzas, reschia Hubert Venzin
1999 Bia canera per pauc, reschia Hubert Venzin
2000 Noblezia oblighescha, reschia Hubert Venzin
2001 Hotel du commerce, reschia Hubert Venzin
2002 Pensiun Schöller, reschia Hubert Venzin
2003 Nies bien Gironnas, reschia Hubert Venzin
2004 Negin teater
2005 Mias ondas, reschia Hubert Venzin
2006 Beethoven e musica da rock, reschia Hubert Venzin
2007 Aschiditg ch’ei dat umens, reschia Hubert Venzin
2008 La Culastia speculescha, reschia Hubert Venzin
2009 Survetsch a Golgata, reschia Hubert Venzin
2010 Il viadi da nozzas a Petersburg, reschia Hubert Venzin
(30 onns Cumpignia da teater Rueras)
2011 Quei ei lu tuttina memia, reschia Hubert Venzin
(Concert e teater dalla Societad da musica Sedrun e Cumpignia da teater Rueras)
2012 Agid!, reschia Hubert Venzin (6. classa e la Cumpignia da teater Rueras)
2015 La Maria vesa dubel, reschia Hubert Venzin
2016 Igl Otto va en pensiun, reschia Hubert Venzin
2017 Zucher ei tissi, reschia Hubert Venzin
   

Historia da Tujetsch sa era fascinar Tei!

0270
CuviartaAmerica

Historia dall’emigraziun tuatschina ell’America: Na, na, anora mass ju per de biè bétga plé. - cumpariu 2011 pdfAmerica

mp3AmericaTujetschL'emigraziun ell'America", emissiun d'Esther Berther ella Marella dil RR. Emissiun da Radioscola 1966 sur dall'emigraziun americana dad A.Maissen
Giuv Film
1816/17 - igl onn senza sulegl ed igl onn dalla fom. Mira: A la sumbriva dal tambora

Contact

Tarcisi Hendry
Via Dentervitgs 3
7188 Sedrun
Diese E-Mail-Adresse ist vor Spambots geschützt! Zur Anzeige muss JavaScript eingeschaltet sein!

04-1967.jpg