Teater a Rueras — quei e tschei
Il scribent che ha manegiau dacuort ella Gasetta Romontscha ch’ei drovi bia idealissem per far teater ozildi, ha franc raschun. Igl ei da supponer ch'ils giugadurs sezs stessen beinenqual sera pli bugen a casa davos pegna, mirassen forsa televisiun, ni massen ad uras a durmir, che da stuer exercitar teater seras en e seras ora. Sch’els bandunan tonaton lur stiva caulda per ir a «far teater», lu ei quei idealissem, q.v.d. els attestan cheutras ch’ei dat valetas che stattan sur ili agen interess e l’atgna cumadeivladad, sur daners e gudogn.
Zatgei che savess decuraschar ils idealists da teater ei il fatg che pli e pli paucs aspectaturs pon far la breigia da bandunar lur stiva e vegnir a teater. Mati: ch’ei dess bia motivs da declarar quei fatg. Il carstgaun anfla adina massa viarclas, sch’el ei buca promts per enzatgei. Dil tuttafatg metsch'ins denton buca dalla renfatscha che vegn fatga ozildi era a nus muntagnards: Che nus daventeien pli e pli materialists, che nus veien interess mo da daners e gudogn, che nus veien buca pli il spert da nos
perdavons, il spert da sacrifeci e promtadad per il bien. Para che l'experienza dalla historia mundiala ei tonaton vera, l'experienza che temps da beinstonza ein adina temps da decadenza. Venters pleins han mai dau gronda breigia per valetas dil spért.
Denton malgrad tuttas schliatas prognosas ei il Chor-baselgia da Rueras semess vid la lavur. La cumedia en treis acts: «Lappun, arva ils egls!» cuntegn bia e bien humor. Ina satira plein sal e peiver silla tschoccadad humana. Il lappun essan matei nus tuts mintgaton, il lappun che va cun egls serrai tras la veta, che sefixa sin in’idea e survesa igi auter; il lappun che selai tschorventar da daners e bellezias ed arva ils egls pér cura ch'ei sefa da brin.
Basta, ils cantadurs cun lur dirigent ed ils giugadurs e las giugaduras cun lur regissur meretan grond engraziament. Denteren sepresentan in per tips propi originals che passan buca per l’emprema ga sur las aissas dalla tribuna. Cun bia humor vegn ei detg in tschuat verdad.
In aspectatur

Teater en tiara romontscha
Bein, el viva aunc tier nus, il teater popular! Quella emperneivla constataziun vegn a legrar ils amitgs dil teater.
Il Chor cecilian da Curaglia sepresenta cun il drama original «Il scuavias de s. Stiafen» da Alfons Vinzens, “Trun.
Il Chor baselgia da Rueras vegn a dar proximamein la cumedia purila «Lappun, arva ils egls!», da K. Freuler e H. Jenny, translatada en romontsch da G. Vincenz, Trun.

Ei drova oz ina buna purziun idealissem per sepresentar — el temps dalla televistun — silla tribuna. Ins astga bein aunc spetgar, che numerus aspectaturs demuossien il duiu interess per quella purschida culturala.

ND: Nus fagein aunc attents sils inserats, cumpari en quest numer dalla GR.