Encurir plazza

Brev 01 __________________________________ AcT Sc 176

Bugnei, ils 7 da november 1931

Stimau signur scolast,
Entras questas lingias lessel jeu dumandar sche quella plazza a Reinfelden ei aunc libra. Jeu havevel giu tschintschau cun vossa dunna. In pur da Reinfelden encureva in mattatsch da 15 – 17 onns. Sche quella plazza fuss aunc libra, dueses Vus far aschi bien e sriver a quel e dumandar si tgei lavurs ins stuess far. E sco che els han dau part a Vus, scrivis lu a mi, ton pli spert. Per cass che quella fuss schon fermada ed ei fuss ina autra libra, deis Vus part a mi ton pli spert. Pervia digl ira lunsch ha buca da far, mo en in liug tudestg. Sch’igl ei enzaco pusseivel fagei quei ton pli spert.
Cun perfetga stema e salid
Giusep Decurtins, Sedrun/Bugnei