L’ustria a Bugnei ei vegnida instradada en connex cun l’erecziun dalla via stradala atras la val ch’ei succedia denter 1862 e 1864. Tenor la tabla d’ustria fuva Andri Ermenegildo igl ustier. – In temps ei l’ustria vegnida menada da Cecilia Riedi, Bugnei.

Fastitgs dalla Cecilia dat ei d’anflar egl archiv sut „Pauperesser“.
1865
Igl onn 1865 fuva ella malsauna e casignusa  e la vischnaunca ha susteniu ella ils 12 da fevrer cun 5 frs.  – Il medem onn: Dau a Cecilia Riedi da Bugnei en sia malsogna 5 frs. subsidi ord cassa pauperila.
1890
Cecilia Riedi retscheiva 2 frs. e 2 curtaunas graun.
1897
Onna Maria Riedi (Cecilia) morta tier Matilda Lorez, ils 16 da matg 1897, pagau per mirar tier quella femna 15 dis (2 frs. a di), total 30 frs.