Protocols dalla UCT 1927 – 1960

Uniun da cura e traffic Tujetsch
Culs onns 1910 entscheiva il turissem en Tujetsch. L’entschatta forsa plitost in turissem d’unviern. Ils emprems skiunzs arrivan en Tujetsch ed anflan ina biala cuntrada per lur sport. L’entschatta dalla construcziun dalla VFA ei empermettenta. L’erecziun cuoza ditg, muort l’uiara mundiala, ed anfla sia fin per 1926. La viafier turistica vegn prida sco motor turistic per fundar l’Uniun da cura e traffic igl onn 1927. Ella ei ussa era specialmein cheu per la promoziun dil turissem da stad. Ils protocols dattan ina investa en quei process ed il svilup dall’uniun.

Transcripziun originala! (1927 – 25.01.1953)
Protocols dalla Uniun de traffic e cura Sedrun
En fuorma digitalisada sco pdf
Prtotocols naven dils 28-08-1953 – 27-03-1960

Carta dalla stad, cumparida 1930

L’uniun da cura e traffic Tujetsch
Cun quei num ei la Sedrun Disentis Turissem dad oz vegnida fundada igl onn 1927. L’avertura dalla Viafier Gottard Matterhorn, lu Viafier Furca-Alpsu, igl onn 1926, ha svegliau per propi la promoziun dil turissem en Tujetsch. La viafier ei da lezzas uras oravontut vegnida eregida sco promotura pil turissem ella regiun Goms, Ursera e Tujetsch. Gia avon prueva quella industria, gia dapi l’arrivada dils emprems skiunzs e Tujetsch e cun la fundaziun dil club da skis igl onn 1914. Igl ei delicius ed interessant da sfegliar el protocols dall’uniun. La giuvna uniun ha giu da sbatter culs pli differents problems, ei stada fetg innovativa e perschuadenta d’in avegnir turistic ella val. Cumparegliaziuns cun oz ein avon maun e fan mintgaton surrir!

Versiun adattada! (1927 – 25.01.1953)
Ils protocols dallas radunonzas generalas suondan cun pintgas midadas ortograficas. Ils protocols da suprastonza haiel scursaniu agl essenzial.

Uniun da cura e traffic Tujetsch

Carta digl unviern, cumparida 1930

Regulativ digl onn 1932