Ils heroxs da Nidwalda 1924

Teater a Sedrun. Dumengia, ils 3 e dumengia ils 10 da fevrer. – Avertura dalla cassa all’1, entschatta all’1.30. – Ils heroxs da Nidwalda. – Drama historic en 5 acts da F. H. Achermann. – Chor viril Sedrun e Societad da muisca Sedrun.

Teater a Sedrun
(Corr.) Dumengia vargada ei vegniu reproduciu a Sedrun per l’emprema gada il drama historic “Ils herox da Nidwalda”, da F. H. Achermann, versiun romontscha da scolast real Sep Mudest Nay. La simpatia per la valenta societad da cant e musica ha giavinau biars amaturs e numerusas amaturas da producziuns teatralas, tgi en schlitada, tgi sin skis ed auters a pei en la biala Val Tujetsch. Prest ei la ualti vasta sala stada emplenida entochen il davos plaz.
Il drama, translataus en segira, currenta viarva romontscha, meina nus anavos egl onn 1798 e regorda vid ils heroics cumbats dils da Sutsilvania encunter ils Franzos. Il pievel da Sutsilvania vul salvar ils vegls dretgs e la veglia religiun. In traditur, unschius dils Franzos enquera da gudignar ils menaders dil pievel per la constituziun helvetica. Mo lez vul pli bugen unfrir veta e rauba avon che engirar fideivladad alla nova constituziun.
Il giug fuva en general naturals, la capo qualitad tier producziuns teatralas. Las rollas principalas schaian en mauns da versai e destigui acturs. Il viv applaus ha mussau la cumpleina cuntentientscha dils apectaturs. E buca d’emblidar las bialas producziuns da cant e musica plein veta e vigur, che han era delectau igl auditori sin la megliera moda.
Tier la representaziun da dumengia, ils 10 d.q. giavischein nus als teatrants da Sedrun sala fullanada, els meretan veramein quella attenziun.
-r.