Turissem
Il turissem
da Edgar Hitz, Camischolas, cumpariu en Tujetsch – Igl andament da sia historia; cump. 1987; pag. 375
Il svilup dil turissem
La situaziun d’antruras
Ils davos decennis ei l’industria d’jasters sesviluppada a quen dil puresser alla pli impurtonta petga dall’economia en Tujetsch. Il motiv principal che ha menau a quella structura sebasa sin la raziunalisaziun en fatgs d’agricultura. Bia forzas da lavur ein vegnidas remplazzadas cun indrezs e cundrezs mecanics e tecnics; glieud ei vegnida senza lavur sin quei sectur. Ei ha pia tuccau alla gronda part da nossa populaziun che ha buca giu pli occupaziun ell’agricultura d’encurir ina autra fadigia, ni da bandunar bugen ni nuidis la val. Da biars han anflau paun tier il turissem. Denton ha ei era tuccau ad enzatgi da tschercar lavur egl jester. Oz ei il turissem la petga la pli impurtonta dall’economia en Tujetsch.
Foto A. Cavegn, Sedrun
Treis fotos da Lucas Berther