Las soras Haseldorf 1997
Teater a Rueras: «Las soras Haseldorf»
(sp) Nus fagein puspei teater. Suenter ina pausetta da dus onns ha il gust e tschaffen da far teater carmalau nus puspei sin tribuna. Nus, la Cumpignia da teater Rueras, essan plitost ina gruppa che fa bugen cumedia. Aschia havein nus era uonn tscharniu enzatgeli ord la sparta numoristica. Cun la cumedia criminala «Las soras Haseldorf» da Horst Vincon vulein nus surtut divertir Vus duront biabein in’ura e mesa.
Las barunessas Elisabet, Eva e Waltraut ein treis damas sils onns ed ein nuota aschi tuppas sco quel ch’ellas paran. Cura ch’in giuven lader scappa en lur casa, drovan ellas lur atgnas metodas per far diever digl enguladetsch e per menar anavos il giuven Ernst silla via dalla vertid.
Casamai che Vus sedecidis da visitar ina da nossas representaziuns en nossa biala Val Tujetsch, giavischein nus a Vus bien divertiment.
La cumedia vegn representada tschun ga en sala da scola a Rueras, numnadamein ils 30 da mars, ils 4, 6, 11 ed ils 12 d’avrel 1997 mintgamai allas 20.15 uras.
Teater divertent a Rueras
(nb) Ch’il teater popular ei aunc attractivs ha la sala pleina a mintga representaziun dalla Cumpignia da teater Rueras demussau. Ins ha era saviu constatar divers hosps e convischins d’ordelfer. In Tuatschin ei schizun vegnius extra si da Berna per quell’occasiun.
Uonn han ils teatrists da Tujetsch dau la cumedia criminala «Las soras Haseldorf» da Horst Vincon en versiun romontscha da Hupert Venzin che ha era funcziunau sco regissur, giugadur e translatur. Ei ei segir l’olma da quell’uniun culturala. Schibein l’elecziun sco la representaziun dil toc han muntau in pegliasis. La cumedia ei fetg legra e — quei ch’ei impurtont – era spirtusa. La versiun en dialect tuatschin el gartegiada cun excepziuns d’enzacons pigns germanissems. Forsa fuss l’adattaziun dils nums era stada indicada.
Sper la buna elecziun dil teater, il bien lungatg ei denton la representaziun da gronda impurtonza. En quei grau meretan las giugaduras ed ils giugadurs ina buna nota. Ins sa schizun discuorer cheu d’ina certa professiunalitad. Era las culissas van bein a prau cun il cuntegn. Resumau astgan ins dir che la Cumpignia da Rueras ha purschiu ina prestaziun da vaglia. Lein sperar che quella impurtonta activitad culturala semantegni!
GR 11-4-1997
Teater a Rueras: «Las soras Haseldorf»
(sp) Suenter ina pausa da dus onns daventa la Gruppa da teater Rueras puspei activa cun la cumedia «Las soras Haseldorf».
Nus fagein puspei teater. Suenter ina pausetta da dus onns ha il gust e tschaffen da far teater carmalau nus puspei sin tribuna. Nus, la Cumpignia da teater Rueras, essan plitost ina gruppa che fa bugen cumedia. Aschia havein nus era uonn tscharniu enzatgei ord la sparta humoristica. Cun la cumedia criminala «Las soras Haseldorf» da Horst Vincon vulein nus surtut divertir Vus duront biabein in’ura e mesa.
Las barunessas Elisabet, Eva e Waltraut ein treis damas sils onns ed ein nuota aschi tuppas sco quei ch’ellas paran. Cura ch’in giuven lader scappa en lur casa, drovan ellas lur atgnas metodas per far diever digl enguladetsch e per menar anavos il giuven Ernst silla via dalla vertid.
Casamai che Vus sedecidis da visitar ina da nossas representaziuns en nossa biala Val Tujetsch, giavischein nus a Vus bien divertiment.
La cumedia vegn representada tschun ga en sala da scola a Rueras, numnadamein ils 30 da mars, ils 4, 6, 11 ed ils 12 d’avrel 1997 mintgamal allas 20.15 uras.
GR 26-03-1997
| ……… |
                     |