Grippa dils anno 1918 en Tujetsch |
 La grippa dils anno 18 ha era tuccau la Val Tujetsch. Dus giuvens schuldai ein morts e quei onn ha la pleiv satrau 25 persunas. 10 mieran da malcostas, 8 dalla grippa, 2 da fleivlezia da vegliadetgna, 3 dil magun, in da apoplexia (aua) e l’auter entras ina inflimaziun dil tschurvi. Da quei 19 femnas e 6 umens.La grippa ei enconuschenta cul num «Grippa  spagnola». La grippa ei stada ina pandemia, ha cuzzau denter 1918 e 1920 ed ha custau a 25 milliuns carstgauns la mort. Auters tschontschan novissimamein dil dubel, pia 50 milliuns. La pandemia ei cumparegliabla culla pesta da 1348. Per Tujetsch ein las cefras buca enconuschentas. Pli sgarscheivlas ein las unfrendas dallas pestas dil 16avel tschentaner en Tujetsch; las cronicas plaidan da 1600 persunas e quei enteifer 27 onns!! Las cefras ein denton da prender cun precauziun! |