Pustretsch Cuolm Cavorgia 1938

Notizias davart Cuolm Cavorgia ord Las alps da Tujetsch:

Quellas vegnan cargadas duront temps da stad – per ordinari naven da s. Placi entochen biabein l’entschatta d’october – en treis alps: Val Val, Val Giuv e Cuolm Cavorgia cun lur differentas midadas.

Ferton che Val Val e Val Giuv han mintgina treis caschadas cun circa 60 vaccas per caschada, ha Cuolm Cavorgia mo ina caschada cun circa 35 vaccas.

Ils pursanavels da Cuolm Cavorgia han entschiet cul pupi per la stad 1902, pia manteniu in onn pli ditg la venerabla stiala.

Las quater alps dapresent gudidas cun vaccas: Val Val e Tiarms (2156 m); Cuolm Val (2056 m); Val Giuv e Culmatsch (1700 m); e Cuolm Cavorgia (1964 m).

Pia repartiu il diember total, dau en sin fundament dalla stagiada; dapresent 100 vaccas per las treis alps da vaccas (Cuolm Cavorgia 60 vaccas ni genetschas).

Pli tard ha lu era Cuolm-Cavorgia survegniu tschaler a Perdatsch. In spért da progress era levaus.

Era Cuolm Cavorgia carga buca pli cauras ad alp, ferton che la zentrifuga ei aunc leu en diever sco suletta alp da vischnaunca, che ha quei cundrez.

Era a Cuolm-Cavorgia han ins 1893 menau ora aua da Nalps, essend secunvegniu cun Nalps per la via fatga lu e pagond 100 frs. Gl’onn vargau ha la vischnaunca acceptau in project da menar ora cun bischels serrai quell’aua.

Ils onns 1918/19 ha la vischnaunca giu schau vi l’alp da Cuolm Cavorgia alla segirada da biestga da Rueun per 800.- frs. Quella vegneva cargada cun mugias e genetschas.

Pustretsch Cuolm Cavorgia 1938