Transversala nord sid atras Rueras
Gottard encunter Lucmagn
“Ei para ch’ils Tuatschins, che vulan „nuet“ survegnan tut: la via sul Cuolm d’Ursera e la viafier cun in stupent „bahnhof“ el Plaun Sedrun/Rueras.” Aschia ha la Gasetta romontsch digl onn 1861 rapportau. Denton, igl ei restau tier in grond project ch’ei buca vegnius realisaus en Tujetsch.
Ils onns 1850/60 lai il cantun Grischun planisar la construcziun da viasfier sul Spligia e sul Lucmagn. Igl onn 1869 sedecida la Confederaziun per la varianta Gottard. Quella decisiun ha paralisau il traffic da mercanzia atras il Grischun. L’entira Svizra orientala ha stuiu satrar las speronzas per ina viafier orientala nord – sid. Ils onns 1970/80 ei quei tema puspei vegnius discussionaus e lu danovamein culla idea dalla Porta Alpina.
