Nossadunna da Fatima 1961

1961 Fatima 1Nossadunna da Fatima a Rueras
Nunditgond la gronda summa, che la vischaunca ha dau, fagend pusseivel alla caplania da Rueras da metter neu in’orgla nova, resta ei aunc al vischinadi da finanziar ina part dils cuosts. Il restont deivet, vulan ils vischins liquidar, sche pusseivel entras benificenza ed unfrendas. Bein ha l’orgla, per haver cuzzonta veta, clamau aunc autras urgentas renovaziuns e midadas. Absolut necassari ei stau la midada da scaldament, nova ventilaziun per allontanar la humiditad, far alv e decorar il sanctuari per schurmegiar da purlanzas e cheutras pertgirar la regina dils instruments musicals da malsognas cronicas. Sentelli che quei ha dau gronds cuosts, ils quals duessen vegnir pagai entras unfrendas voluntarias.
Per gidar e cooperar cun la beneficenza, ha l’uniun dramatica concludiu da schar il recav ord il drama d’uonn alla baselgia s. Giachen.
Penetrai dal patratg digl onn missiunari e dalla proxima missiun ella pleiv, havein elegiu in toc cun intent da missiun, serius ed actuals.
Nossadunna da Fatima
Schegie ch’il toc ei enconuschents, spetgein tuttina gronda frequenza d’jasters e dumiastis. Il drama cloma e mantegn a memoria ils plaids e las profezias, che Nossadunna ha dau tier las appariziuns a Fatima, sco predicatura da missiun mundiala.
Giugaduras e giugadurs, schegie buca artists, vegnan buca a schar per breigia, da delectar gl’auditori cuntenteivlamein. – Vegni pia cars amitgs dalla tribuna romontscha a Rueras e passentei in pér bialas uras en sala nova, e vus fagesi el medem temps in’ovra da beneficenza.
r. r.

Brugger  63

Franzisca Hitz-Berther, Lucia Giossi-Caduff, Leontina Hitz

Brugger  64

      Blandina Monn-Berther, Tresa Theurillat-Monn, Victoria Monn-Berther

Brugger  67

Stiafen Monn, Tumaisch Beer, Leci Brugger