Il catschadur Gion Clemens Riedi da Selva
da Tarcisi Hendry
Gion Clemens ei staus in fegl da Cristian Giusep Riedi e Maria Agatha Beer sesents a Selva; naschius ils 12 da december 1797 sco schumellin cun aunc Martin Antoni. La famiglia cumpeglia aunc siat fargliuns naschi denter 1791 e 1811 medemamein a Selva.
L'entira famiglia vegn satrada igl onn 1808 dalla lavina e spindrada a moda miraculusa sco la scartira sut dat perdetga.
Igl onn 1822 marida Clemens Riedi la Barbara Catrina Berther (1799-1877), feglia da Gion Crisost Berther e Maria Catarina Schmed. Ella dumbraziun da 1835 ei la famiglia Riedi carschida per sis affons: Maria Gada 1822 (maridada cun Johann Feiner), Anna Maria 1826-1882, Maria Barla Catrina 1829-1879, Gion Crisost 1831, Gion Clemens 1834, Cristian Giusep 1835.
La primavera 1835 sto el esser serendius a Mustér/Madernal, pertgei il Cristian Giusep (*12-09-1835) ei naschius leu.
Leu succeda igl onn 1838 l'aventurusa catscha sigl uors. 1879, ils 8 da matg, miera Gion Clemens Riedi ella casa pauperila a Mustér.
Il catschadur Clemens Riedi
L'emigraziun ell'America"
